السلام عليكم ورحمه الله وبركاته النهارده
لو انت بتحس بصدمات مفاجاه مع تغير سرعة السيارة او حاسس ان فيه مشكلة عندك في النقلات فالفيديو دا مهم جدا ليك واللي هنشرح فيه ببساطه واختصار نتشه الفتيس الاتوماتيك او نتعه الجير واللي بقت تواجه كتير من الناس وايه هي كل اعراض نتشة الفتيس وايه كل الاسباب اللي ممكن تعمل كده وازاي نحل المشكله من الاسهل للاصعب
اهلا بيكم في قناتكم ايجلتم والنهارده هنجوكم على كل الاسئله دي بطريقه سهله وباختصار زي ما عودناكم بس في الاول ما تنسوش تعملوا لنا لايك لان ده بيشجعنا نستمر ان شاء الله.
هنبدأ بالاعراض واللي لو لقيتها موجوده فبكدا تقدر تشخص معانا ان عندك مشكلة نتشة الفتيس ولازم تكمل الفيديو معانا للاخر
ومش لازم يبقى كل العلامات كلها تكون موجوده مع بعض ممكن علامه واحده تبقى موجوده او اثنين بالكثير
اول حاجه تحس بهزات او صدمات عند التسارع او التباطؤ وكأنك بتدوس فرامل فجأه
2 هتلاقي تأخر في النقلات وارتفاع ال rpm
3 اصوات غريبه طالعه من الفتيس زي صوت شخشخه مستمر
4 العربيه بتزحف و بتنطلق فجاه لما تيجي تدوس على دواسه الوقود نتيجه التاخر في الاستجابه
طب ايه هي اسباب نتشة الفتيس دي
زي ما احنا عارفين ان كل حاجه ليها عمر فالفتيس بيتكون من اجزاء كتيير قوي وكل قطعه ليها عمر افتراضى لو وصلتله القطعه دي هيحصل مشاكل بالتبيعيه
اول حاجه هو عدم احكام الفيش والتوصيلات الخاصة بالجير او تراكم الاتربه والاوساخ عليها فتمنع التوصيل الجيد ليها واهمها فيشة السليكتور واللي بتكون موجوده اعلى الجير او فيوزات الجير اللي بتكون موجوده بداخل السيارة او بجوار المحرك
ثاني سبب هو تلف السليكتور نفسه والمسئول عن تعشيق الجير
ثالث سبب هو زيت الفتيس
ممكن تكون نوعية الزيت غير جيده او غير مناسبة لنوع الجير بتاعك او كميت الزيت بقت قليله عن الطبيعي او عدم تغيره في موعد الصيانه المخصص ليه
رابع حاجه صمامات التحكم او البلوف او السيلنويد ممكن يحصلها تاكل او تلف مع مرور الوقت
خامس سبب هو تلف حساس الفتيس واللي بيدي اوامر لتغير النقلات
سادس سبب هو تأكل اسطوانات واقراص الفتيس من الداخل
وسابع واخر سبب هو خلل في برمجة وحدة التحكم بالفتيس
طب ايه حل مشكلة نتشة الفتيس
في اغلب السيارات مع الاسف لا يظهر كشف الكمبيوتر اي اعطال بالفتيس لان العطل لن يظهر الا والسيارة متحركه لكي يسجل العطل
اول حاجه
لو سيارتك فيها مقاس لزيت الفتيس لازم تشيك علي كمية الزيت ولون الزيت لو ناقص او لونه مسود يبقي لازم يتغير بس خلى بالك لو الزيت مشيت عليه كتير اوي زي 200 الف او 300 الف كيلو متر وما غيرتوش فالافضل ما تغيروش لان دا هيسبب مشاكل اكتر
ثاني حاجه تشوف كل الفيش او الفيوزات الخاصه بالفتيس وتنضفها كويس بمنظف الكترونيات وتشوف النتيجه ايه
دي الحاجات اللي ممكن انت تشوفها بنفسك في سيارتك غير كدا هتحتاج فني مختص للتشخيص الدقيق لسبب المشكله زي ما ذكرنا سابقا
ولو فيه قطعه تالفة من اللى زكرناهم هيتم استبدالها وممكن تبقي المشكله بسيطه ان شاء الله ويكون محتاج اعادة برمجه فقط لا غير
في النهايه حابب اقولك ان كل حاجه ليها عمر حتي الانسان اللي ربنا خلقة ((ومن احسن من الله صنعا)) – فما تصدقش حد يقولك الفتيس دا ما بيتغيرلوش زيت أو بيعيش طول العمر – غير كل حاجه في ميعادها وان شاء الله تبقي اموركم تمام
وما تنسوش الايك الجميل لان دا بيشجعنا نستمر واللي اول مره يشوفنا يشترك بالقناة عشان توصلك فيديوهاتنا اول بأول
والسلام عليكم ورحمه الله وبركاته
ليست هناك تعليقات:
إرسال تعليق