النهاردا هكلمكم عن حاجه جديده - العالم كله بيتكلم عليها –
--- سائل بيتحط في العربيات زي
الزيت والمايه والبنزين
--- وفيه دول بقت تفرضه اجباري
لدرجة انها عدلت في سيستم العربيه انها ما تمشيش لو نقص
ايه هي قصة السائل دا
ومين اللي اخترعه واخترعوه ليه
وبيتحط فين وازايخ
وهيحصل ايه لو حطيته غلط مع
خزان الوقود
وهل ينفع يتحط في اي
سيارة واعرف منين ان كانت عربيتي ينفع لها
السائل دا ولا لا
ونملاه كل اد ايه
وايه اللي هيحصل بالضبط لو
السائل دا كميته نقصت ونسيت تزوده
وايه هي عيوب ومخاطر السائل
العجيب دا
كل دا و اكتر هتعرفه النهاردا
و عاوزك تعرف ان في مجهود كبير
عملناه
عشان ندور علي كل المعلومات
الكافيه في كل المواقع العربيه والاجنبيه
اللي هتخليك باذن الله ما تحتجش تروح في اي حته
تانيه بعد الفيديو دا تدور علي معلومات عنه
فيلا بسرعه لايك وسبسكرايب
ونبدأ حلقتنا
ايه هو الادبلو
من حوالي اكتر من 120 سنه
وبالتحديد سسنه 1892
اخترع المهندس الالماني رودولف
ديزل محركات الديزل
وكان الهدف من الاختراع دا
ابتكار محرك ذو كفائه اعلي من محركات البنزين-
المهم ان المحركات دي اثبتت نجاحها بدليل انها
شغاله لحد النهاردا
والعربيات بتاعها بتمشي في الشوارع ليل ونهار
الا ان هناك عيب واحد بس
وهو انها ملوثه للبيئه بصورة رهيبه عن محركات
البنزين
----اللي الشركات عماله تطور
فيها وتصرف مليارات علي الابحاث والابتكارات ليل ونهار عشان توصل لاعلي اداء واقل
انباعثات كربونيه
وبالرغم من ان محركات الديزل
بتدي اداء وقوه اعلي بمراحل من محركات البنزين
الا انها بتطلع بلاوي من
العادم
خد عندك اكسيد النيتروجين صنف
علي انه ماده مسرطنه من الدرجه الاولي ---اللي بتتسبب اعوذ بالله في سرطان الرئه وسرطان المثانه
في عام 2016 واستادا الي تقرير مقدم من معهد مراقبة الصحه
العامه في فرنسا
نشرت صحيفة ليموند الفرنسيه
الشهيره ان 9% من الوفيات في فرنسا -- سببه تلوث الهوا ء الناتج عن عوادم السيارات
ودي فرنسا يا صديقي مابالك بينا
وان ما بين عام 2007 و 2008 --
اتاثر حوالي 47 مليون شخص في اوربا ودخلوا المستشفيات بسبب تلوث الهواء
وتوقع التقرير ان في عام 2060 هيكون
فيه حوالي من 6 ل9 مليون شخص هيموتوا بس بسبب تلوث الهوا
فكان لازم نلاقي حل عشان ننقذ
البطل اللي عايش معانا بقاله اكتر من 100 سنه
والا الحكومات الاوربيه هيصدروا حكم باعدامه
ودوول ما بيهزروش في موضوع البيئه يا صديقي
والدليل ان او EPA (ENVIRONMENTAL PROTECTION AGENCY) منظمة حماية البيئة العالميه -- فرضت
قيود وشروط علي ان اي محرك ديزل يتم تصنيعه من بعد 2010
لازم يكون فيه نظام ال scr ودول زي بريطانيا منعت
ترخيص اي عربيه ديزل مافيهاش نظام ال SCR
ايه بقي نظام ال SCR
SCR (SELECTIVE CATALYTIC REDUCTION) او نظام تقليل ابعاثات العادم الخاص بمحركات
الديزل
وهنا بقي جه دور بطل حلقتنا AUS 32
او المشهور بالاسم التجاري DEF DIESEL EXHAUST FLUID او البلو تك او الاسم الاشهر
عالميا ادبلو
– اللي قلب الدنيا وخلي عربيات
الديزل اكتر نظافة وحمايه للبيئه بالقضاء علي اكسيد النيتروجبن
لا وكمان بتقلل استهلاك الوقود—فضربنا عصفورين
بحجر واحد
التكنولوجيا دي بقت واقع وبقي
اسمها clean diesel او
الديزل النقي او البلو تيك او التكنولوجيا الزرقاء
مع ان سائل الادبلو مش ازرق
خالص وهو شفاف الا ان التقنيه اتسمت ادبلو مشعارف ليه يمكن عشان غطا التانك بتاعه
ازرق - جايز
بيتكون من ايه بقي الادبلو دا
مكوناته عبارة عن مادة اليوريا
مضاف ليها ماء منزوع الايونات
بيترش
بنسب معينه علي غازات العادم
ويحولها لغاز النيتروجين وبخار
مايه ودي حاجات غير ملوثه للبيئه
مين اللي اخترعه
تم اختراعه في 2005
لكنه لم يخرج للنور ولم يعد
اجباريا الا بعد عام 2015
بعد قرار EURO 6 ان العربيه الديزل عشان
تبقي مطابقه للمواصفات الاوربيه لازم يبقي فيها نظام ال SCR
فيه انواع وشركات كتير من
الادبلو بس الشركات الكبيره بتنصح باللي مكتوب عليه ISO
22241
بيتحط ازاي
هو سائل بيجي في جراكن زي ماية
التبريد و زيت الماتور
وبيجي جراكن 3 لتر او 10 او 20 لتر
وليه تانك منفصل بغطا ازرق جنب
قتحة تنك الديزل
وبيتزود كل فترة لما لمبة الادبلو تنور عندك في
التابلوه
ودا معناة ياصديقي ان مش كل
العربيات يتحطلها ادبلو لازم تكون عربيتك بتدعم تقنية ال SCR والا هيحصلك زي ما حصل مع
عبد العظيم –حكيلكم عليه كمان شويه
هيحصل ايه لو حطيته غلط في خزان الوقود او زودته مع البنزين
الامر اشبه بانك قولتلي انا
غلط وفتحت غطا زيت الماتور وزودت مايه فماتقوليش اتلخبط
لانك هتصرف ما في الجيب ومافي
الغيب يا صديقي
لان سائل الادبلو هيسبب صدا
وتاكل في كل المواسير اللي هيمشي فيها
ابتداء من فتحة التانك لحد
الماتور – البس
فلو حصل ونسيت وشغلت العربيه
والماتور دار
فالعربيه مش هتمشي اكتر من 50 متر و كدا انت
لبست حرفيا
لكن لو افتكرت قبل ما تشغل العربيه
ففيه امل انك تصرف قليل شويه
---
هتجيب حد يفك التانك وتفضي اللي فيه كله و تنضفه
كويس
بس في احتمال حدوث صدا وتاكل
في الحتت اللي مشي فيها الادبلو
كل دا خلي في شركات تانيه زي
لاندروفر مثلا
تغير مكان تزويد الادبلو
وتنقلة من جنب فتحة الوقود
وتخليه جنب الماتور وتزوده زي
الزيت والمايه كدا
التانك نملاه كل اد ايه
التانك بيمشسيك من 5000 ل 8000
كيلو بمتوسط
1200 كيلومتر لكل لتر
طب ايه اللي هيحصل لو اهملت الرسالة ومازودتش سائل الادبلو؟
لما ينقص السائل هتظهرلك رسالة
تحذير
diesel exhaust
fluid level low - fill diesel exhaust fluid tank
او لمبه هتنور زي بتاع البنزين
اللمبه هتنور قبل اخر لتر
يعني علي الاقل هتمشيك 1200
كيلو
طب لو اهمبت الرسالة ونسيت تحط الادبلو ايه اللي
هيحصل
في عربيات هتخفض قدرة سحب وعزم
الماتور ل 40 %
وعربيات تانيه هتقف تماما
ودي بتختلف من شركة مصنعه للتانيه –
فما انصحكش تاهمل في موضوع الادبلو بالذات لو
انت مسافر طريق طويل
ايه المركبات اللي ينفع استخدم معاها الادبلو
لازم العربيه بتاعك يكون فيها نظام
ال SCR
وفيها خزان منفصل تحط فيها الادبلو
وبالرغم من اننا في 2021
الا ان لحد هذه اللحظة مش كل السيارات اللي
بتنتج فيها نظام ال SCR
الا اللي بتتصنع مطابقة للمواصفات
الاوربيه
.
وعلي فكره عندنا في منطقة
الشرق الاوسط اتفتح مصنع في دبي وبالتحديد في القصيص من سنة
2010 لانتاج الادبلو
عيوب الادبلو
طبعا كل حاجه في الدنيا ليها
مميزات وعيوب
– عيب صاحبنا دا انه بلاعه جديده لمصاريف
العربيه
يعني غير الزيت والوقود يطلعلنا كمان الادبلو
----درجة تخزينه قليله المفروض
من سالب 11 ل 30
ودا معناه اني ما ينفعش اخده
معايا في سفر طويل
واخزنه في شنطة العربيه
وفيه بلاد زي روسيا درجة الحراره في الشتا بتوصل
سالب 50
طب هنعمل ايه محدش عارف
--- سائل الادبلو حساسا للضوء
وما ينفعش نخزنه في مكان فيه اضاءه
كتير
وكمان فترة صلاحيته 18 شهر بس
ودا بيجعل ظروف تخزينه حاجه
صعبه وفي بعض الاوقات مكلفة
ودا بيفسر سعره المرتفع
--- المصيبه الاكبر ان لو سائل
الادبو خلص من العربيه زي ما الوقود بيخلص العربيه
حاجه من الاثنين هتحصل
فيه سيارات بتتنخفض قدرة المحرك فيها بنسبه 40
% وفيه سيارات هتقف تماما زي ماقلنا
--- المصيبه بتتجلي في حاجه
اعلي من كدا
هو ان خزان الادبلو في السيارات مش عارفين
يكبروه
عشان يستوعب كميه اكبر للسفر الطويل
يعني هيعملك تانك تاني زي بتاع
الوقود يحطه فين
ودي مصيبه يا صديقي
--- حاجه كمان ان مش كل
البنزينات بتوفر الادبلو
وفيه ناس ما سمعتش عنه اصلا
ممكن تروح ينزينه وتقول للعامل عاوز ادبلو يقولك
ما تحترم نفسك بلاش قله ادب
--- حاجه اخيره من ضمن مصايب
الادبلو
وهو ان لو حضرتك جيت تزود التانك بتاعه
و شويه منه جم علي الطلاء بتاع
السيارة
زي ما
بيحصل معانا لما نيجي نحط بنزين
فكل سنه وانت طيب دهان العربيه باظ يا ساعدة
المدير
بس كدا يا صديقي دي حلقة
الادبلو ماتنساش الايك لو الحلقة عجبتك وتشترك في القناة لو عاوز تشوف اكتر –
سلامو عليكو
المصادر
https://en.wikipedia.org/wiki/Diesel_exhaust_fluid
https://www.tetrosyl.com/adblue-explained/
https://www.albayan.ae/across-the-uae/2010-01-22-1.210876
https://www.centretank.com/support/adblue-in-diesel-tank
https://www.fullyloaded.com.au/industry-news/1508/caution-on-mixing-up-diesel-and-adblue
ليست هناك تعليقات:
إرسال تعليق