شرح عملي عن الفرق بين انظمة فرامل السيارة المختفة ABS - ESP - CBC

شرح عملي عن الفرق بين انظمة فرامل السيارة المختفة ABS - ESP - CBC

شاهد الفيديو التالي

السلام عليكم ورحمه الله وبركاته

كل يوم انت بتسمع عن تكنولوجيا جديده في مجال السيارات ولو انت مش عارف ايه التكنولوجيا دي هتبقي مجرد اسم بتقولوا لصحابك علي مميزات عربيتك ولو حد سالك يعني ايه ممكن يبقي شكلك وحش اوي

فيه انظمة امان كتير في السيارت وكل يوم فيه جديد

النهارده هنتكلم عن تكنولوجيا الفرامل او المكابح عشان الاخوه العرب يفهومنا

- نظام [ ABS ].
2- نظام [ CBC ].
3- نظام [ ESP ]

هنشرح الفرق بينهم بطريقة مبسطه وبدون شرح ممل عشان تستوعب المعلومه عشان وانت بتشتري عربيه جديده تبقي فاهم الكلام ده ولو حد سالك تعرف تجاوبه من غير ما تهرب

اول نظام هو ال abs  1- Anti-lock Braking System

السيارات القديمه لو ضغطت بشده على الفرامل بتقف العجله تماما عن الحركه 

وده بيكون منافى لقوانين الفيزيائيه لحركه الاجسام فبيكون رد فعل العربيه ككل هو القصور الذاتى وانها تكمل فى نفس الاتجاه بنفس السرعه طالما لم تؤثر عليها قوه تانيه

النظام ده بقي من الفرامل  بيخلى الفرامل تمسك وتسيب العجله عده مرات فى الثانيه الواحده وبكده يكون فى احتكاك يبطء من سرعه العجله وفى نفس الوقت فى حريه لحركه العجله للأمام فتستجيب فى حاله تغيير اتجاهها

بحيث ان فى حاله الفرامل الشديده تقدر توجه العربيه يمين وشمال وتفادى اى حاجه

كذلك على الاسطح الزلقه هتوفر لك توجيه للعربيه افضل فى حالات الفرمله عموما

عيوبها ان فى معظم الاحوال مسافه توقف العربيه اللى فيها abs  اطول من العربيه اللى من غيرها

ال abs تم تطوير اكتر من 5 اجيال  حتى الان

 يزيد فى كل منهم بعض الوظائف اللى بتحسن من عمله

تاني نظام اسمه esp
2- Electronic stability program

وده نظام بيتابع حركه العجلات وجسم العربيه طول الوقت

مثلا وانت بتفادى حد قصادك على سرعه عاليه والجزء الخلفي من السيارة  اتزحلق منك

حسابات فى جزء من الثانيه بتحصل لكل وضع العربيه وبعدين تلقائيا بدون تدخل منك العربيه بتققل من قوه المحرك بالقدر المطلوب وتبدء تفرمل العجلات اللى فقدت السيطره واحيانا فى انظمه ممكن تعشق نقله اقل علشان تعمل عزم على العجل

وفى نفس الوقت العربيه بتحسب محتاجه قوه مضاده قد ايه لقوه انحراف العربيه وتبدء توفرهالك بفرمله العجلات المعاكسه بالقدر المطلوب لغايه ما العربيه تتعدل تانى وترجع تسيطر عليها

وده بيكون فى قمه وضوحه على الجليد لان ساعتها اى تغيير فى المسار بيزحلق العربيه لكن مع النظام ده صعب انك تفقد السيطره لانه فعلا بيعدل وضع العجلات الكترونيا بين القوه والفرمله علشان العربيه ترجع لمسارها

أليه عمل النظام من وحده تحكم متطوره جدا بعده حساسات على العجلات وفى جسم العربيه لقياس الضغط واتجاه السياره

بيتم تحليل البيانات حوالى 25 مره فى الثانيه الواحده عن اتجاه السياره واتجاه العجلات الاماميه والقوه الموجهه عليها وحاله الطريق زلق ولا جاف

تالت نظام اسمه CBC
3Cornering Brake Control

هو نظام مطور من bmw

هو  بمنتهى البساطه تعديل على نظام esp اللى كانت مرسيدس عاملاه

هو نظام الكترونى لمتابعه سرعه العجلات اللى فى الداخل والخارج اثناء الانعطاف

والزياده هنا انه بيتم حساب قوه الطرد المركزى على جسم العربيه حسب قوه الملف وسرعه العربيه

واول ما يدوس السواق فرامل يبدء النظام بتوزيع قوه الفرامل على العجلات وكبح وتحرير كل منهم على حده لتوفير اكبر قدر من القوى ضد قوه الطرد المركزى 

فيقدر يوجه العربيه فى الملف بدون ما تنحرف اثناء الفرمله ويحصل المعروف ب ال oversteer اللى هو ان ظهر العربيه يتزحلق

وهو نظام مكمل لل abs ويعمل مكملا له ويفرق عن نظام مرسيدس انه بيتدخل بس فى حاله الفرمله

يعني باختصار ممكن تاخد ملفات علي سرعه عاليه من غير ما تقلق انه يحصل اوفرستير او السيارة تنقلب لا قدر الله

لو حاسس ان دي معلومه مفيده ادعم الفيديو بلايك وما تنساش تزور القناة وتشوف اكبر مجموعه من فيديوهات السيارات التعليميه والترفيهيه علي الانترنت في قناة egltm